Hi, How Can We Help You?

Author Archives: Nawaraj Regmi

A short visit to the “Black Forest” for the students of Management- Business Studies.

We are eternally grateful to the respected branch and operation manager Hari Krishna Thakuri Sir for enlightening the students and imparting his valuable insights about the contemporary issue of the business and modern perspective on the business dimension.
















 

चितवन – अङ्कुरम् स्काउट ट्रुपको आयोजना तथा अङ्कुरम् एकेडेमी चितवनको सहयोगमा अन्तरविद्यालय स्काउट रनिङ्ग शिल्ड नृत्य प्रतियोगिता सम्पन्न भएको छ । प्रतियोगितामा सनराइन इग्लिस स्कुल प्रथम , ग्रिनल्याण्ड इङ्गिलस स्कूल द्धितिय र एकता शिशु निकेतनका विद्यार्थीहरुले तृतीय स्थान हासिल गरे । प्रथम हुने समुहले १० हजार नगद सहित रनिङ्ग शिल्ड प्राप्त गर्यो भने द्धीतिय हुनेले ७५सय र तृतीय हुनेले नगद ५हजार पुरस्कार राशी प्राप्त गरे । प्रतियोगितामा मुग्लिगं देखि माडी सम्मका २० वटा विद्यालयका करिब १४० विद्यार्थीहरुको सहभागी रहेको थियो ।

हरितालिका तिजको अवसर पारेर नेपाली कला र संस्कृतिको संरक्षण संगै विभिन्न विद्यालयको स्काउट विद्यार्थीहरुको मित्रता कायम गर्ने उद्धेश्यले कार्यक्रम गरिएको एकेडेमीका परीक्षा प्रमुख सदिक्षा पौडेलले जानकारी दिनुभयो । प्रतियोगितामा बज्रयोगा तथा डान्स एकेडेमीका निर्देशक पुष्प श्रेष्ठ र अङ्कुरम् एकेडेमीका नृत्य प्रशिक्षक निरा गुरुङ्गले निर्णायकको भुमिका निभाउनु भएको थियो ।

पठनपाठन साथसाथै अतिरिक्त कृयाकलापलाई पनि अन्तर्राष्ट्रिय स्तरबाट संचालन गर्दै आइरहेको यस एकेडेमीले मासिक तथा वार्षिक रुपमा विभिन्न कार्यक्रमहरु संचालन गर्दै आइरहेको छ ।अङ्कुरम् एकेमीका स्तर प्रमुख अर्जुन जि शर्माले सञ्चालन गर्नुभएको सो कार्यक्रमको प्रमुख अतिथि भरतपुर महानगरपालिका वडा नम्बर १० का वडाध्यक्ष एवं सामाजिक समन्वय समितीका संयोजक परमेश्वर खनाल रहनुभएको थियो । कार्यक्रममा प्याब्सन केन्द्रिय समितिका सदस्य मोहन लामा, स्काउट रोवर लिडर तथा स्काउटर सि.ए.एल.टि शिव प्रसाद बराल , एकेडेमीका कार्यकारी निर्देशक नवराज पौडेल लगायतको सहभागिता रहेको थियो ।







चितवन । स्थापना कालदेखि नै विद्यार्थीहरुलाई डिजिटल माध्ययम अनि प्रयोगात्मक शैलीबाट अन्तर्राष्ट्रियस्तरको शिक्षा दिँदै आएको अङ्कुरम् एकेडेमीले विद्यार्थीहरूलाई किताबी किरो मात्र नबनाई व्यवहारिक रूपमा शिक्षण सिकाई गर्ने अभिप्रायले आज २०७९ भाद्र १० गते शुक्रबारका दिन बिहान ११ देखि दिउसो ४ बजेसम्म गणित प्रर्दशनीको आयोजना गर्यो ।

कार्यक्रममा विद्यालयका कक्षा १ देखि १० सम्मका सम्पूर्ण विद्यार्थीहरू रचनात्मक प्रस्तुतिमा ब्यस्त देखिन्थे । प्रर्दशनीमा प्रर्दशन गराइएका सम्पूर्ण सामग्रीहरू विद्यार्थी स्वयम्ले निर्माण गरेका थिए । यस प्रदर्शनीमार्फत बालबालिकाहरूले गणितलाई बोझ र अप्ठ्यारो विषयका रूपमा नलिई रमाइलो खेलको रूपमा प्रर्दशन गर्दा सहभागी सबैलाई थप हौसला मिलेको थियो । प्रर्दशनीमा चितवन जिल्लाका १०० भन्दा बढी विद्यालयका शिक्षक, अभिभावक तथा विद्यार्थीले अवलोकन गरेका थिए । यस्ता खालका प्रर्दशनीले विद्यार्थीहरुलाई व्यवहारिक ज्ञान दिने तथा सृजनशील बनाउने कुरा विज्ञ अभिभाभकहरूले बताए ।

यस्ता सृजना तथा परियोजना कार्यले शिक्षण शिकाई रुचिकर अनि प्रभावकारी हुने तथा भविष्यमा विद्यार्थीहरू आफ्नो विषयमा अब्बल हुने कुरा विद्यार्थी तथा अभिभावकहरूले आत्मसात गरेको छन् । यस्ता खालका परियोजनाहरू समय समयमा सञ्चालन गराइँदा विद्यार्थीहरुलाई अझै सिर्जनशील बनाउन सकिने भएकाले आगामी दिनमा पनि यस्ता कार्यहरू सञ्चालन गर्ने विद्यालयको योजना भएको कुरा यसै एकेडेमीका कार्यकारी निर्देशक युवराज पौडेलले बताउनुभयो ।







चितवन, साउन ४ –
चितवन स्मार्ट क्रीउको आयोजना तथा भरतपुर महानगर स्काउटको समन्वय र अंकुरम एकेडेमी भरतपुरको विशेष सहयोगमा संचालित दुई दिवसीय स्मार्ट स्काउट प्याट्रोल लिडर तालिम भरतपुरको अङ्कुरम एकेडेमीमा सम्पन्न भएको छ ।

उक्त कार्यक्रमको उद्घाटन क्याम्प फायर सत्रमा स्मार्ट क्रीउका अध्यक्ष शिह बहादुर कुवरको सभापतित्व तथा महानगरका उपप्रमुख महानगर स्काउटका प्रमुख स्काउट चित्रशेन अधिकारिको प्रमुख आतिथि, महानगर स्काउटका संयोजक स्काउटर रोभर लिडर शिबप्रसाद बराल, महानगर स्काउटका सचिब अर्जुन मडै, महानगर प्याब्सनका प्रमुख लेखनाथ खनाल, इस्टु चितवनका अध्यक्ष जनकराज घिमिरे, बीइएसएसका अध्यक्ष इन्द्रेश शाह सामुदायिक विद्यालयका प्रतिनिधि शिक्षक बिन्दु पौडेल अङ्कुरम स्कुलका बोर्ड मेम्बरहरु आदरणीय नवराज पौडेल, देवि पौडेल, प्राचार्य सुमन पौडेल लगायतले सम्बोधन गर्नुभएको थियो ।

विभिन्न २३ वटा विद्यालय माडी, इच्छाकामना र रत्ननगर बाट गरी २५० जनाको सहभागिता रहेको उक्त कार्यक्रममा सहभागी प्याट्रोल लिडर स्काउटहरुले २ दिनमा स्काउटको इतिहास, जन्मदाताको जिवनी, गाठोको प्रयोग र प्रकार, वाग्स, वोस्म, नेपाल स्काउटको मिसन भिजन , प्याट्रोल ट्रप सञ्चालन, नियम प्रतिज्ञा, माइल्स्टोन ट्राफिक सचेतना यश गल मोभ्मेन्ट, प्राथमिक उपचार तालिम विभिन्न एक्शन गीत, बीपी व्यायाम लगायत विविध विषयमा जानकारी लिँदै फुटसल र स्विमिङ्गको आनन्द लियर बिदा हुनुभएको थियो ।










Dhan Ropai

भरतपुर , चितवन असार १५ नेपालीका लागि महत्वपुर्ण चाड हो । म खाना खाएर चितवनको रोपाई कहाँ कहाँ भएको रहेछ भनि स्कुटर लिएर फिल्डमा निस्किए । पानी परिरहेको थियो । र्यानकोट ओडेर भएपनि पश्चिम चितवनतिर हानिए । बाटोमा जाँदै थिए । एउटा दृश्यले मेरो ध्यान खिच्यो । निकै ठुलो संख्यामा बिद्यार्थीहरु धान रोपिरहेका थिए । म त्यहि अडिए । स्कुटरबाट ओर्लेर एक जना हातमा धानको विउ लिएकी नानीलाई सोधिहाले ए नानी, स्कुल नगई यो हिलोमा के गरेकी? जवाफमा उनले भनिन् हामी त धान रोप्ने विधिबारे प्रयोगात्मक रुपमा पढिरहेकै हौ म्याम । त्यसपछि मलाई झन् उत्सुकता लाग्यो र सोधे यसअघि धान रोपेको थिएनौ र उनले भन्नि,मलाई त धान कसरी फल्छ भन्ने पनि थाहा थिएन । ममीले भान्छामा पकाउने चामल त पसलबाट नै आउँछ होला झै लाग्थ्यो,चामल कसरी फल्छ भनेर कहिल्यै कसैलाई सोधेकी पनि थिइन । यसलाई यसरी हिलोमा रोप्नुपर्छ यसबाट धान फल्छ यहि धान कुटेर चामल निकाल्ने हो भन्ने विधि मैले यहाँ आएपछि मात्र थाहा पाए । उनको नाम अविप्स्या कार्की हो उनी अङकुरम् एकेडेमी भरतपुरमा कक्षा ८ मा अध्ययन गर्छिन् । अविप्स्या जस्तै आरोही खनालको अनुभव पनि उस्तै छ म पहिलो पटक यसरी हिलोमा धान रोप्दै छु, अहिलेसम्म धानप्रतिको मेरो बुझाई गलत रहेछ उनले भनिन् । धान त हिलोमा रोपेर पो मलजल गरि फलाउनुपर्ने रहेछ उनले सुनाइन् । आरोहीलाई त केही समय अघि आफुले खाने दुध पनि डेरीले दिन्छ झै लाग्थ्यो रे गाई भैसी पाल्नुपर्छ र दुध दिन्छ भन्ने ज्ञान उनले अङ्कुरम् मा आएपछि मात्र थाहा पाएकी रहिछन् । अविप्स्या र आरोहीजस्ता ७ देखि १० कक्षा सम्मका झन्डै डेढ सय विद्यार्थीहरुलाई धान रोपाई विधिको बारेमा पहिलो पटक जानकारी मिलेको थियो ।

अङ्कुरम् को विशेषता नै यहि हो । विद्यार्थीहरुलाई जुनसुकै विषयबस्तुमा पनि प्रयोगात्मक विधिद्धारा सिकाउनु र उनीहरुलाई महसुस हुनेगरि ज्ञान दिनु । एकेडेमीका कार्यकारी निर्देशक नवराज पौडेल आफ्ना विद्यार्थीहरु यसबारेमा व्यवहारिक ज्ञान दिन र धानको उत्पादन विधिबारे प्रस्ट पार्नका लागि खेतबारीमै विद्यार्थीहरुलाई लिएर आएको बताउनुभयो । विद्यार्थीहरुलाई रोपाई गर्ने व्यवस्था भने पश्चिम चितवनको गितानगर स्थित विसहजारी फार्म हाउसभित्रको जमिनमा मिलाइएको थियो । मिलिजुली आमा समुहसंगको सहकार्यमा गरिएको उक्त कार्यक्रममार्फत अंङ्कुरम् का विद्यार्थीहरुले प्रयोगात्मक रुपमा धान रोप्ने विधिबारे प्रस्ट हुने पौका पाएका छन् ।

यसरी आफ्नो नातीनातीनी जस्ता बाबु नानीलाई खेतमा संगै राखेर रोप्न सिकाउन पाउँदा मिलीजुली आमा समुहकी अध्यक्ष गोमा सुवेदी फुरुगं हुुनुहुन्थ्यो । धान दिवसले धान खेती र पारस्परिक श्रम प्रयोगको प्रविधि, आपसी प्रतिबद्धता र सांस्कृतिक प्रदर्शनको सन्देश विभिन्न गतिविधिमार्फत झल्काउने देखिन्छ । यो दिनले रोपण अवधिको सुरुवात पनि गर्दछ।

यो दिन देशको सबैभन्दा महत्त्वपूर्ण कृषि अभ्यासहरू मध्ये एकको प्रतीक हो र नेपालीहरूका लागि विशेष दिन हो। नेपाली संस्कृतिमा मनाइने धेरै पर्वहरूमध्ये रोपाइँ दिवसको विशेष राष्ट्रिय महत्व छ । यो पर्व नेपालका ग्रामीण क्षेत्रहरूमा विभिन्न परम्परागत तरिकाले मनाइन्छ, जहाँ कृषि र पशुपालन अझै पनि जीविकोपार्जन र आय आर्जनको प्रमुख पेशा हो। तर शहरबजारमा बसोबास गर्ने विशेषगरी पछिल्लो पुस्ताका बच्चाहरुलाई यो दिवसको महत्वबारे खासै ज्ञान छैन । खेतीयोग्य जमिनहरु सबै प्लटिगं गरेर भौतिक संरचना निमार्ण भइरहेको छन् गाउंका खेतबारी बाँझै छन् यस्तो अवस्थामा पछिल्लो पुस्ताले धान कसरी उत्पादन हुन्छ भन्ने कुरा नै विर्षिरहेका छन् । चामल कहाँबाट आउंछ भनेर सोध्दा कुनै डिपार्टमेन्ट स्टोरको नाम लिने बच्चाहरु धेरै छन् । प्रयोगात्मक रुपमा डिजिटल माध्यमबाट कक्षा सञ्चालन हुदैं आइरहेको अन्तराष्ट्रिय स्तरको विद्यालय अंङ्कुरम् ले धान दिवसको अवसर पारेर विद्यार्थीहरुलाई खेतबारीमै उतारेको हो ।