Elocution plays an important role in the formation, articulation and pronunciation of speech. Elocution competitions help students to develop their self-expression and confidence.
'Session on Cyber Security' for grade 11 and 12 students was successfully conducted by Mr. Aviyan Shrestha, Skill Executive of Skill Academy.
School Level Cancer Awareness and Training Program by Nepal Cancer Eradication Organization, BP Koirala Memorial Cancer Hospital, Bharatpur, Chitwan.
भरतपुर, १७ माघ
भरतपुर महानगरपालिका प्रमुख रेनु दाहालले भरतपुर क्षेत्रमा क श्रेणीको संस्थागत स्कुलको रूपमा अङ्कुरम् एकेडेमी रहेको बताएकी छन् । युग सुहाउँदो र गुणस्तरीय शिक्षा प्रदान गरेर यस स्कुलले भरतपुरको गरिमा बढाएको पनि उनले बताइन् ।
३२ औं वार्षिकोत्सव तथा अभिभावक भेलालाई मंगलबार सम्बोधन गर्दै नगरप्रमुख दाहालले अभिभावकले खोजेजस्तो विद्यालयको रूपमा अङ्कुरम् रहेको बताइन् । ‘अहिले बाहिरी जिल्लाबाट पनि चितवनमा पढ्न आउने गरेका छन्’, दाहालले भनिन्, ‘केही समय अघिसम्म राम्रो शिक्षाका लागि काठमाडौं ताक्ने अभिभावकले अङ्कुरम् एकेडेमी सञ्चालनमा आएपछि यो स्कुल धेरैको रोजाईमा परेको छ ।’
जिल्लाका अन्य विद्यालयले पनि अङ्कुरम्ले जस्तै स्तरीय शिक्षामा जोड दिनुपर्ने दाहालको भनाइ थियो । सरकारले सरकारी विद्यालयका लागि आवश्यक मात्रामा सहयोग गरिरहेको अवस्थामा पनि निजी विद्यालयलाई पनि आवश्यक सहयोग गर्न महानगर तयार रहेको नगरप्रमुख दाहालले बताइन् ।
त्यसैगरी प्याब्सनका केन्द्रीय उपाध्यक्ष कुमार घिमिरेले अभिभावकले आफ्नो रोजाईको विद्यालयमा आफ्ना विद्यार्थी पढाउन पाउनुपर्ने बताएका छन् । अङ्कुरम् एकेडेमीको ३२औँ अभिभावक भेलालाई सम्बोधन गर्दै उपाध्यक्ष घिमिरेले राज्यले शिक्षामा प्रशस्त लगानी गरे पनि विद्यालयको अवस्थामा सुधार आउन नसकेको बताए । ‘दुई चार जना व्यक्तिको टिमले सुविधासहितको निजी विद्यालय सञ्चालन गर्न सक्छन् भने राज्यले लगानी गरेको सरकारी विद्यालयको अवस्थामा किन सुधार आउन सक्दैन । अभिभावकले किन निजी विद्यालय नै रोजाईमा पार्छन्’, घिमिरेले भने, ‘राज्यले गर्ने लगानीले सरकारी स्कुलमा सुधार ल्याउन सक्छ, सरकारले चाहेमा हामी सघाउन तयार छौँ ।’ घिमिरेले चितवनमा अङ्कुरम् एकेडेमीले गुणस्तरीय शिक्षामा जिम्मेवार भूमिका निभाउन सफल भएको पनि बताए ।
दुई दिनसम्म उत्सव
अङ्कुरम् एकेडेमीले ३२औँ वार्षिकोत्सव दुई दिनसम्म मनाएको छ । एकेडेमीका प्राचार्य सुमन पौडेलले सोमबार कक्षा १ देखि ५ सम्मका विद्यार्थी र तिनका अभिभावकलाई सहभागी गराई वार्षिकोत्सव मनाइएको थियो भने मंगलबार कक्षा ६ देखि १२ सम्मका विद्यार्थी र तिनका अभिभावक सहभागी थिए । दुई दिन पालैपालो विद्यार्थीले आफ्ना अभिभावकका अगाडि गीत र नृत्यको सांगीतिक प्रस्तुति दिएका थिए ।
गुणस्तरीय शिक्षा नै अङ्कुरम्को चाहना रहेको बताउँदै प्राचार्य पौडेलले भने, ‘बाहिरबाहिर अङ्कुरम्को शुल्क महँगो भन्ने हल्ला पनि सुनियो । हामीले दिने गुणस्तरीय शैक्षिक सेवाको तुलनामा शुल्क महँगो छैन । हामीले विद्यार्थीलाई उनीहरुको रुचि अनुसार स्वीमिङ, फुटसल, मयुजिक, डान्स, कराँतेलगायतमा सम्बन्धित विषयका दक्ष र व्यावसायिक प्रशिक्षकबाट प्रशिक्षण दिने व्यवस्था मिलाएका छौँ । यसलाई हेर्ने हो भने शुल्क महँगो भन्न मिल्दैन ।’
चितवन – भरतपुर महानगरपालिका ७ स्थित अंकुरम एकेडेमीमा फुड फेस्टिवल सम्पन्न भएको छ ।
स्कुलको वार्षिक कार्यतालिका अन्तर्गत आज (बिहीबार) फुड फेस्टिवल आयोजना गरिएको हो । दिउँसो १ देखि बेलुकी ५ बजेसम्म आयोजित फेस्टिवलमा स्कुलको कक्षा १ देखि १२ सम्म अध्ययनरत विद्यार्थीहरुको १४ वटा स्टल रहेका थिए ।
ती स्टलहरुमा विद्यार्थीहरुले सामान्य रेष्टुरेन्टमा पाइने फरक फरक परिकारका खाना बनाएर अभिभावक तथा अवलोकनकर्ताहरुलाई खुवाएका थिए । विद्यार्थीहरुलाई व्यवहारिक शिक्षा प्रदान गर्नका लागि कार्यकम आयोजना गरिएको स्कुलका तह प्रमुख अर्जुन शर्माले जनाकारी दिए ।
विद्यार्थी आँफैले खानाका परिकार तयार गरेको हुँदा खाना बनाउन लाग्ने मेहेनत र खानाको महत्त्व बारे बुझ्न पनि कार्यक्रमले मद्घत मिल्ने उनको भनाइ छ । वर्षभरी अभिभावकले बनाएको खाना खाने विद्यार्थीले एक दिन आँफैले खाना बनाएर अभिभावकलाई खुवाउने दिनको रुपमा पनि यसलाई लिईएको उनले बताए ।
भरतपुर, २६ मंसिर ।
वाल्मीकि शिक्षा सदनको व्यवस्थापन र भरतपुर इङ्लिस स्कूल्स सोसाइटी (बेस) को आयोजनामा बेस स्तरीय वादविवाद प्रतियोगिता सम्पन्न भएको छ ।
बेसका अध्यक्ष इन्द्रेश शाहको अध्यक्षता र प्याब्सन चितवनका अध्यक्ष कीर्तिनिधि अर्यालको प्रमुख अतिथ्यतामा वाल्मीकि शिक्षा सदनमा सम्पन्न उक्त कार्यक्रम अतिरिक्त क्रियाकलाप प्रमुख खेमलाल पहारीले सञ्चालन गरेका थिए ।
वाल्मीकि शिक्षा सदनका शैक्षिक विभाग प्रमुख प्रकाश सुवेदीको स्वागत मन्तव्य सँगै शुरु भएको अंग्रेजी माध्यममा राखिएको वादविवाद प्रतियोगितामा अङ्कुरम् एकेडेमीकी छात्रा समृद्धि क्षेत्री प्रथम, नारायणी पब्लिककी छात्रा सौरभी हमाल द्वितीय र ग्रीनल्याण्ड पब्लिककी छात्रा विदुसी कार्कीले तृतीय स्थान हासिल गरेका थिए ।
कार्यक्रममा प्याब्सन चितवनका अध्यक्ष कीर्तिनिधि अर्याल, इन्द्रेश शाह, वाल्मीकिका सहायक प्राचार्य दुर्गाप्रसाद घिमिरेलगायतले मन्तव्य राख्दै कार्यक्रमबारे प्रकाश पारेका थिए भने विजेता तीन जनालाई बेसका अध्यक्ष इन्द्रेश शाह, उपाध्यक्ष शिवु केसी र वाल्मीकि शिक्षा सदनका सहायक प्राचार्य दुर्गाप्रसाद घिमिरेले मेडल, शील्डलगायत पुरस्कार वितरण गरेका थिए ।
भरतपुर, ९ मंसिर ।
सनराइज स्कुलको ३५औँ वार्षिकोत्सवका अवसरमा १८औँ जिल्लाव्यापी विद्यालयस्तरीय कविता प्रतियोगिता गरिएको छ ।
प्रतियोगितामा अङ्कुरम् एकेडेमी कृष्णपुरका सोहम अधिकारीले प्रथम स्थान हासिल गरेका छन् । अधिकारीले `माटोको माया´ शीर्षकको कवितालाई प्रतियोगितामा वाचन गरेका थिए । त्यसैगरी पोलर स्टार स्कुल गौरीगञ्जका आँचल देवकोटा द्वितीय, स्काइराइडर स्कुल रत्ननगरका यश्मन पोखरेल तृतीय तथा सान्त्वना पुरस्कार स्मल हेभन मोडल स्कुल आँपटारीका अभिनव अधिकारी र लक्ष्मी मावि लंकूका कुसुम सापकोटाले प्राप्त गरेका छन् ।
प्रतियोगितामा १७ वटा विद्यालयका ३१ जना विद्यार्थी प्रतियोगीको रूपमा सहभागी थिए । कार्यक्रमका प्रमुख अतिथि धनराज गिरिले विद्यालयमा गरिने यी खाले प्रतियोगिताले विद्यार्थीमा सिर्जनात्मक विकास हुने बताए । प्रतियोगिताको निर्णायकमा प्राध्यापक कपिल अज्ञात, रमेश प्रभात र रामजी भट्टराई रहेका थिए ।
चितवन, २५ कात्तिक –
चितवनको भरतपुरमा एकैपटक कराँतेका ३८० खेलाडीको स्तरवृद्धि गरिएको छ । नेपाल कराँते महासंघ टेक्निकल कमिटी चितवनको आयोजनामा भरतपुरको अङ्कुरम एकेडेमीका ३८० खेलाडीको स्तरवृद्धि गरिएको हो ।
कमिटीका सचिव सुजन दराईकाअनुसार खेलाडीको स्तरवृद्धिमा कक्षा ३ देखि कक्षा ९ सम्मका खेलाडीहरु सहभागी थिए । आज शुक्रबार विद्यालयमा आयोजना गरिएको कराँते स्तरवृद्धिमा ह्वाइट बेल्डबाट ओरेन्ज बेल्डमा ३६० जना र ओरेन्ज बेल्डबाट ओरेन्ज–ग्रिन बेल्डमा २० जना खेलाडी दीक्षित गरिएको दराईको भनाइ छ । खेलाडीहरुको स्तरवृद्धि तथा दीक्षन्त कार्यक्रममा तीन छात्र तथा तीन छात्रा गरी उत्कृष्ट छ खेलाडीलाई सम्मान गरिएको छ ।
कराँते महासंघ टेक्निकल कमिटी चितवनकी उपाध्यक्ष एवं अङ्कुरम एकेडेमीकी कराँते प्रशिक्षक जस्मिना खड्काकाअनुसार छात्रतर्फ सोहन दाहाल, संयन श्रेष्ठ र नवनित वर्मा तथा छात्रातर्फ अनाघा श्रेष्ठ, प्रत्युषा श्रेष्ठ र अभिन्या कार्की उत्कृष्ट भएका छन् । कराँते खेलाडीहरुको स्तरवृद्धि कार्यक्रममा कराँते महासंघ टेक्निकल कमिटी चितवनका अध्यक्ष टार्जन श्रेष्ठले नेपालमै पहिलो पटक धेरै खेलाडीहरु एकसाथ दीक्षित भएको बताए । हालसम्मकै सबैभन्दा बढी खेलाडीहरुको एकैपटक शुक्रबार स्तरवृद्धि गरिएको भन्दै श्रेष्ठले खेलाडीहरुलाई उत्कृष्ट हुँदै राष्ट्रिय तथा अन्तर्राष्ट्रिय प्रतिस्पर्धामा विजेता हुन हौसला प्रदान गरेका छन् ।
कराँते खेलाडीहरुको स्तरवृद्धि कार्यक्रममा अङ्कुरम एकेडेमीका प्रिन्सिपल सुमन पौडेलले स्वागत मन्तव्य राखेका थिए । आज शुक्रबार दीक्षित भएका खेलाडीहरुलाई एकेडेमीका प्रिन्सिपल सुमन पौडेल सहित कराँते महासंघ टेक्निकल कमिटी चितवनका अध्यक्ष एवम् राष्ट्रिय खेलकुद परिषद्का प्रशिक्षक टार्जन श्रेष्ठ, सुदिर श्रेष्ठ, अमर श्रेष्ठ, तीर्थराज श्रेष्ठलगायतले मायाको चिनो तथा प्रमाणपत्र प्रदान गरेका थिए ।
