भरतपुर, १७ जेठ ।
भरतपुर-७ स्थित अङ्कुरम् एकेडेमीका विद्यार्थीहरुले सचेतनामूलक प्ले-कार्ड सहितको प्रदर्शनी गरेर ‘विश्व सुर्तीजन्य पदार्थरहित दिवस’ मनाएका छन् । कक्षा ९ मा अध्ययनरत छात्र-छात्राले विश्व सुर्तीजन्य पदार्थरहित दिवसको अवसर पारेर सचेतनामूलक प्रदर्शनी गर्दै बि.पी. कोइराला मेमोरियल क्यान्सर अस्पतालको बाहिरी परिसर तथा आसपासका क्षेत्रहरुमा सचेतनामूलक पर्चा वितरण तथा प्ले-कार्ड प्रदर्शनी गर्दै कार्यक्रम सम्पन्न गरेका छन् ।
`खाद्यान्न आवश्यकता हो, सूर्तीजन्य पदार्थ हैन´ भन्ने मूल नारा अंकित प्ले-कार्ड प्रदर्शन गर्दै विद्यार्थीहरुले यो दिवस मनाएको विद्यालयका सहायक प्रधानाध्यापक ओमराज मैनालीले जानकारी दिए ।