Hi, How Can We Help You?

Blog

January 31, 2023

युग सुहाउँदो र गुणस्तरीय शिक्षामा अङ्कुरम्को जोड

भरतपुर, १७ माघ
भरतपुर महानगरपालिका प्रमुख रेनु दाहालले भरतपुर क्षेत्रमा क श्रेणीको संस्थागत स्कुलको रूपमा अङ्कुरम् एकेडेमी रहेको बताएकी छन् । युग सुहाउँदो र गुणस्तरीय शिक्षा प्रदान गरेर यस स्कुलले भरतपुरको गरिमा बढाएको पनि उनले बताइन् ।

३२ औं वार्षिकोत्सव तथा अभिभावक भेलालाई मंगलबार सम्बोधन गर्दै नगरप्रमुख दाहालले अभिभावकले खोजेजस्तो विद्यालयको रूपमा अङ्कुरम् रहेको बताइन् । ‘अहिले बाहिरी जिल्लाबाट पनि चितवनमा पढ्न आउने गरेका छन्’, दाहालले भनिन्, ‘केही समय अघिसम्म राम्रो शिक्षाका लागि काठमाडौं ताक्ने अभिभावकले अङ्कुरम् एकेडेमी सञ्चालनमा आएपछि यो स्कुल धेरैको रोजाईमा परेको छ ।’

जिल्लाका अन्य विद्यालयले पनि अङ्कुरम्ले जस्तै स्तरीय शिक्षामा जोड दिनुपर्ने दाहालको भनाइ थियो । सरकारले सरकारी विद्यालयका लागि आवश्यक मात्रामा सहयोग गरिरहेको अवस्थामा पनि निजी विद्यालयलाई पनि आवश्यक सहयोग गर्न महानगर तयार रहेको नगरप्रमुख दाहालले बताइन् ।

त्यसैगरी प्याब्सनका केन्द्रीय उपाध्यक्ष कुमार घिमिरेले अभिभावकले आफ्नो रोजाईको विद्यालयमा आफ्ना विद्यार्थी पढाउन पाउनुपर्ने बताएका छन् । अङ्कुरम् एकेडेमीको ३२औँ अभिभावक भेलालाई सम्बोधन गर्दै उपाध्यक्ष घिमिरेले राज्यले शिक्षामा प्रशस्त लगानी गरे पनि विद्यालयको अवस्थामा सुधार आउन नसकेको बताए । ‘दुई चार जना व्यक्तिको टिमले सुविधासहितको निजी विद्यालय सञ्चालन गर्न सक्छन् भने राज्यले लगानी गरेको सरकारी विद्यालयको अवस्थामा किन सुधार आउन सक्दैन । अभिभावकले किन निजी विद्यालय नै रोजाईमा पार्छन्’, घिमिरेले भने, ‘राज्यले गर्ने लगानीले सरकारी स्कुलमा सुधार ल्याउन सक्छ, सरकारले चाहेमा हामी सघाउन तयार छौँ ।’ घिमिरेले चितवनमा अङ्कुरम् एकेडेमीले गुणस्तरीय शिक्षामा जिम्मेवार भूमिका निभाउन सफल भएको पनि बताए ।

दुई दिनसम्म उत्सव
अङ्कुरम् एकेडेमीले ३२औँ वार्षिकोत्सव दुई दिनसम्म मनाएको छ । एकेडेमीका प्राचार्य सुमन पौडेलले सोमबार कक्षा १ देखि ५ सम्मका विद्यार्थी र तिनका अभिभावकलाई सहभागी गराई वार्षिकोत्सव मनाइएको थियो भने मंगलबार कक्षा ६ देखि १२ सम्मका विद्यार्थी र तिनका अभिभावक सहभागी थिए । दुई दिन पालैपालो विद्यार्थीले आफ्ना अभिभावकका अगाडि गीत र नृत्यको सांगीतिक प्रस्तुति दिएका थिए ।

गुणस्तरीय शिक्षा नै अङ्कुरम्को चाहना रहेको बताउँदै प्राचार्य पौडेलले भने, ‘बाहिरबाहिर अङ्कुरम्को शुल्क महँगो भन्ने हल्ला पनि सुनियो । हामीले दिने गुणस्तरीय शैक्षिक सेवाको तुलनामा शुल्क महँगो छैन । हामीले विद्यार्थीलाई उनीहरुको रुचि अनुसार स्वीमिङ, फुटसल, मयुजिक, डान्स, कराँतेलगायतमा सम्बन्धित विषयका दक्ष र व्यावसायिक प्रशिक्षकबाट प्रशिक्षण दिने व्यवस्था मिलाएका छौँ । यसलाई हेर्ने हो भने शुल्क महँगो भन्न मिल्दैन ।’

Leave a Reply

Your email address will not be published.

You may use these <abbr title="HyperText Markup Language">html</abbr> tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

*